Puisi: RUBAT

Ita Apulina Tarigan (Surabaya)

 

 

Kune kenca ringut ayongku tambah jungutna
Bahanndu pertawaan
Gedang gendek incumku melasken kata, tawaindu
Sekali megang sorangku, gangen kepe sorandu
Piah cirem pe lanai aku pang
Kune kenca reh jungut-jungutndu
Kutami-tami janah kutawai kam

Sekali jadi, jumpa datas kita lanai lit belas-belas
Megara mbiring ayondu, ayoku
Sada ngenca kepe tambarna, eta si inem si kopi susu
Dung si e, radu nawai banta kita piah akap kalak kita mehado
Kai gia nina kalak e, nanamna nge situhuna

Me bage ari?

2 thoughts on “Puisi: RUBAT

  1. Tawa aku sisada ngoge puisi rubat enda Ita. Tapi perbahan sisada ndai aku, la ka lit singataken aku mehado. untung denga ka.
    Lang seh kuakap payona situliskendu enda, terjadi menam tiap wari, bas melala rumah tangga. Si bahayana kel emkap adi sienda la pernah siarapken banci terjadi, sengget kita, janah melala ka la sempat ipelajari enggo cerai. Lang adi itangani ‘kontradiksi’ enda ma erbahan perubahan dan perkembangan?
    Bujur Ita
    MUG

    1. Bujur melala ibas apresiasindu Kila…senang Kila bisa terhibur…memang adi si nen hanya ibas kacamata sekalak-sekalak banci kin dungna jadi rubat mbelin, gia janah emosional ula lupa nen ka dari sudut pandang temanta.DUngna,perubaten e pe kari banci jadi memori si mehuli adi banci i kelola bagin katandu,kila…:)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.