Seri Bahasa Karo: ULA LEPAK RUKUR

teger-2

Nisuratken:




Teger Beremamanta Bangun

teger-beremamanta-bangunLit sekalak jelma atena berkat ku Padang Bulan, tapi perbahan la ibetehna dalan emaka ia papak janah enggo seh i Sunggal. Enca, rembang idahndu ia kemamangen, enggo lanai i etehna dalan. Nungkun ia bandu: “Ara nge dalanna ku Padan Bulan, silih ?”

Uga nge nindu njababsa?

Tentu melabo jawabandu merawa-rawa, alu nindu: “Mulah ka kin engko. Palangen nda kin engko, kurang ajar ka kin engko, banci dalan ku Padang Bulan pe la angkam, pan jering e ajangmu!”

Tentu labo bage jawabennta. Situduhken me ara dalan si mehuli entah sisikapna ku Padang Bulan. Me bage ninta? Ue nindu min ha..ha..ha..

Tentu bage ka nge harusna, perbahanenta man temanta si papak entah pe kurang pengertin/ pemahamenna bas adat-istiadat bas kita kalak Karo enda. Sabab kerina jelma berbeda perbeluhna kerna adat-istiadatta enda. Lit jelma deba lit pe tamana ergana bas gelarna, ula lebe kerna adat, cakap Karo saja lenga iantusna.

Uga maka bage?

Tentu erbage-bage erbahansa. Latar belakangna, lit deba kerna pertubuhna lanai bas lingkungen kalak Karo, enca orangtuana pe la metedeh ku adat Karo enda, entah pe banci ka la angkana. Banci ka perbahan sebagin adat e lanai akapna cocok ras kinitekenna.

 


kerna kegeluhennta ibas pertibi enda

Em perluna kita meteh uga latar belakang temanta e, alu bage banci simaklumi temanta e. Ibas adat-istiadat Karo, gelah kita radu setandan lit gelarna ertutur. Ertutur em proses entah pe sada bentuk gelah sitandan segelah meteh pribadi bage keluarga, tapi la batas ngenca adi enggo ertutur terdauhen, je kari sigargari kerna kegeluhennta ibas pertibi enda.

Alu bage, kita banci saling sitandan ras banci saling menerima termasuk ibas uga cara berpikirta. Jadi, sipentingna kuakap, adi lit temanta la angkana, ras bas la angkana e, ia papak bas adat enda, ula sirawai entah pe sitokohi, tapi mari siajari situntun asa pemetehta. Adi pemetehta kurang, erlajar ka kita ku si terbeluhen. Alu bage maju adat-istiadatnta ibas kalak Karo enda.

Bujur.








Share This Post On
468 ad

Leave a Reply

%d bloggers like this: