Bilang-bilang Beru Karo: O Kam

Elisabeth Barus (Medan) Ercakap menda pusuh nangdangi sundutna matawari Amin enggo gia ibas-bas kerina suki taneh e amin enggo gia raleng-aleng tendi e ku ru…

Elisabeth Barus (Medan) Ercakap menda pusuh nangdangi sundutna matawari Amin enggo gia ibas-bas kerina suki taneh e amin enggo gia raleng-aleng tendi e ku rumah gia simada jabu nini mehantu ndube ngelangke ngeliwer gia perlandek e sapa nge ndia nipindu e? Erdire-dire gia iluh mambur suang ngempet suang mesuni sorandu serko Ooh.... andiko lanai kepé atan ari adi nggo tersurat ndube padan taneh enda simada ngenca sibanci ngaturkenca Bage perjilena bunga ncole simerim bage jilena perturah sinuan sinuan i tengah juma lanai kepe lit ertina kerina bene sura-sura tua-tua sicawir natap reba inganna cio-cio Ooh.... andiko merawa kin nge tendindu o Taneh Karo Simalem? Suratkenlah o kam kalak si nuria uga kata tenah nininta ndube endéken dagé o kam si rendé tupung pusuh mesuni cawir ban sorandu seh ku Dibata Ntah cupingta nge si la erpemegi maka bage pe belinna sora deleng si mehantu e la terbegiken kam? kerina nggo pasek seh wari enda pe pasek denga kerina Kai nari ban rakutnna nini? adi perlandek ndai pe lanai rikutken gung ras penganak lanai terbegi sora belobat simelenget tengah berngi e adi kin kernep taneh ingan pusung ndabuh ndube kai nari nge pagi si man tulihenken? Sentabi aku o kam si Meganjangna ula min hukumndu kami banlah maka entabeh mata kami natap ku deleng si meratah ndube ulihken dage alu lias ras kemulianndu sebab koté kami O kam si Meganjangna