Singgah Mata Pertengahen Kuta Bangun Lima — Sorasirulo
← Beranda
Budaya & Adat · · 2 mnt baca

Singgah Mata Pertengahen Kuta Bangun Lima

Nisuratken: Makaberi Simada Bas sada paksa, Bangun Lima Senina (Jandimeriah, Batukarang, Selandi, Narigunung ras Penampen) ngerungguken siapai si jadi raja i…

Singgah Mata Pertengahen Kuta Bangun Lima

Nisuratken: Makaberi Simada

Bas sada paksa, Bangun Lima Senina (Jandimeriah, Batukarang, Selandi, Narigunung ras Penampen) ngerungguken siapai si jadi raja ibas Urung Lima Senina. Emaka kundul me ia runggu janah sue arihna nuan galuh i Singgah Mata (pertengahen kuta si lima).

Nina erpadan, ku kuta ja pagi namporna jantong galoh sinisuan, ije me raja Lima Senina.

Turah me batang galoh sisuan ndube ras enggo teridah nampor-namporna ku kuta Penampen. Ruku r anak beru Bangun mergana i kuta Perbaji.

“Latih naring nge pagi lalap nangkeng-nangkeng ku Penampen ndahi kerja-kerja adi kutana pe ndauh,” atena.

Ikurkurina me batang galoh siturah ndube janah iputarna ku Batukarang. Jadi me Batukarang raja Urung Lima Senina, aminna pe tangkas teridah batang galuh siturah ndube enggo melus. Adi lit sitersungkun uga maka melus batang galoh e kidun nge nina ngaloisa.

Kenca kejadin e, lit kalak penampen nuan page tapi enggo ndekah page erbuah lalap la megersing buah page sisuanna ndube. Kemamangen ia, ikulitina pagena ndube janahna sengget ia emas kepeken isina. Em adi kita tokohi kalak nina ngaloi, iperanina pagena ndube janah isusunana bas salah sada rumah i Penampen.

Adi nai merga Pelawi la pang ku Penampen sebab segat kel ate simada kuta. Danci laberena man. Emaka, adi Pelawi mergana ku Penampen, katakenna mergana Depari. // //