Puisi Aksara Karo: PENIKTIK WARI

Nisuratken: Kempu Raja Lambing

 

raja lambing 1Aditia, aditia naik, aditia turun gelah niktik wari kerja-kerja si meriah

Merih rubia-rubia I teruh rumah, aditia wari kerja page mbuah

Itiktik me wari gelah mehuli nimpa bunga buah

Wari prudan rehlah, wari la dogal, la dongal si kujuma kurumah

raja lambing 2 Suma, warina belah, enda me wari kerna si erburo

Merih rubia rubia kerangen, rulih si erburu, warina perlego

Ula kujuma adi la kesah, ula ku rumah adi la uli i embah,

Mehuli nogeng nogeng ku lau entah ku sabah, warina suma siwah

 

raja lambing 3Nggara wari merawa, kita erjaga jaga, ola merampek ngerana

Wari wari melas megara, metenget ngerana, ola pesimbak sora

Erbahan tambar nggara sepuluh, erpangir selamsam nggara enggo tula

Erkata gendang, ngampeken tulan-tulan, nggara warina, wari merawa

 

raja lambing 4Budaha , ngadep, medem ras gok, e wari mejile

Menaken perdalan tah mere page, wari sinuan-sinuan jine

Wari si empat nahe, wari page, mehuli nuan-nuan ije

Wari salang sai,merdang merdem tah kerja-kerja pe mejile

 

raja lambing 5cwari medalit, mejile nungkun dahin, adi tangkep njumpai si mbelin

Beraspati sepulu siwah mehuli nabah kayu majekken rumah

Beraspati medem, wari simalem malem,ndahi kalimbubu ras ginemgem

Beraspati warina wari taneh, wari mehuli guna ersembah

 

raja lambing 6Cukra enem berngi wari pembukui, warina salangsai

Adi cukra dudu, mehuli kurumah kalimbubu

Cukraduapuluh erbahan tambar, cukra mate buang sial

Cukra wari lau,wari njumpai ate ngena ntah erpangir ku lau

 

raja lambing 7Tula, wari sialna, kisat erkerja…

Samisara,wari nutup mata, nutup kerja…

raja lambing 8Kempu Rajalambing 31.12.13

 

 

 

 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.