UDAN

Nisuratken: Pa Canggah Ginting (California)

 

Leng-leng lau,
Sebelang kesain,
Pengelako cinurcurna,
La suari la berngi,
Piah tande wari,
La mbera mantak.

Ndele per ojek, janah cirempu,
Nimai sewa teruh gertak,
Piah dalan keleng-lengen,
Sewa lalap la ndilo.

Perpola cipul-pul,
Nasakken gulana,
Janah terarap lego wari,
Maka la terabad ngeria ben wari.

Io’oh….
Bagenda wari perudan,
Uga ndia beritandu,
O kam kade2 iture-ture deleng sinabun??

Rumah pengungsin tuhu ipajekken tuan
Gia lima puluh ngkibul ngenca,
Tuah simada tiang kempak pengungsi,
Termor-mor sebelang doni.

Janah ersampan kampoh molana,
Anah-anah nimai mantak udan,
Perlajang tua cikais,
Cikais babo screen computer,
Ndaram2i berita karo sirulo.

Nandehh….
Bagi sora lenggor udan wari,
Terbegi Sora,
Sora gerupuh Pilkada bupati enggo menggep.
Gia alang-alang denga bagi wari perudan lanai meder.

Permisi pu…
Laki mo mandi dulu.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.