Nisuratken: Satria Ginzu

Kuja kal kudarami turang kedamen ate
Ibas termampa turang perdalan Itingndu
Bekas penadingkenndu turang si nande Biring
Serbut kegeluhen Itingndu la terturihi

Lasam kepe adi la rasam, medu aku nimai katandu
Ipersokenndu turang ateku jadi, nangdangi kena turang si nande Biring

Uga nge ningku biring nalu-nalu kena
Keri kata turang terbelas man bandu
Tungtung kapur mama Gintingndu
Dalan-dalanna Itingndu terbuang

Oh…
Nande Biring siateku morah
Labo nese kekelengen ibas pusuh
Ciremndu tempa lalap singiapi
Kegeluhen itingndu si la erduru

Lanai bolit Ma Iting ukurku man bandu
Bage kal nindu Biring mbelasken kata
Lanai bolit Ma Iting dalanndu tampil
Nambah cedana turang pusuh kubaba

Tengah berngi singongo turang aku terlolah
Mata madat la banci tunduh tarem nginget kena
Tuduhken pagi turang, tuduhken man bangku
Taneh ersuki turang, dalanku serap